”Maliyyə və mühasibatlıq üzrə Ekspert Qrupu”nun Türkiyə səfəri başa çatmışdır

Azərbaycan Bank və Maliyyə Tədris Mərkəzinin təşkilatçılığı, Azərbaycan Banklar Assosiasiyasının və Türkiye Banklar Birliyinin dəstəyi ilə 26-27 noyabr 2025-ci il tarixlərində ABA-nın “Maliyyə və mühasibatlıq Ekspert Qrupu”nun, o cümlədən bankların bu istiqamətdəki digər rəhbər şəxslərinin İstanbula səfəri baş tutmuşdur.

Səfər çərçivəsində iştirakçılar aşağıdakı mövzularla tanış olmuşlardır.

• Maliyyə planlaşdırılması və büdcələşdirmə: Sıfır əsaslı büdcələşdirmə, strateji maliyyə idarəetməsi və xərc optimallaşdırma alətləri,
• Rəqəmsal transformasiya və maliyyə: Robotlaşdırılmış mühasibat (RPA), rəqəmsal analitika və məlumat yönümlü qərarvermə,
• Tənzimləyici və ehtiyatlı hesabatlılıq: Risklə çəkilən aktivlər, kapitalın adekvatlığı (CAR), Basel III/IV və BDDK-nın ehtiyatlı hesabatları,
• ESG və davamlılıq hesabatlılığı: Yaşıl maliyyələşmə, ESG göstəricilərinin maliyyə hesabatlarına inteqrasiyası.

Səfər çərçivəsində aşağıdakı qurumların nümayəndələri ilə görüşlər təşkil edilmişdir:

1. Ziraat Katılım Bankası;
2. Albaraka Türk Katılım Bankası;
3. QNB Finansbank;
4. Yapı Kredi Bankası;
5. DenizBank;
6. Garanti Bankası.

Qeyd edək ki,  Azərbaycan Bank və Maliyyə Tədris Mərkəzi (ABFTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABFTC tərəfindən 250-a yaxın təlim mövzusu üzrə, 38 mindən çox dinləyiciyə 2600-ə yaxın təlim kursu təşkil edilmişdir.