Azərbaycan Standartlaşdırma İnstitutu və Azərbaycan Bank Tədris Mərkəzi arasında əməkdaşlığa dair Memorandum imzalanıb

Azərbaycan Bank Tədris Mərkəzi və İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) arasında əməkdaşlığa dair Memorandum imzalanıb.

Sənədi mərkəzin rəhbəri Əzizağa Haxverdiyev və AZSTAND-ın Baş direktoru İlham Bayramov imzalayıb.

Memorandum çərçivəsində tərəflər arasında daha sıx işgüzar əlaqələrin qurulması, beynəlxalq standartlar əsasında müxtəlif mövzulara dair seminarlar və təlimlərin keçirilməsi, standartlaşdırma və uyğunluğun qiymətləndirilməsi sahələrində mövcud işlərin, fəaliyyətlərin təşkili və təkmilləşdirilməsi nəzərdə tutulub.