Azərbaycan bankları təcrübə mübadiləsi üçün Rusiyaya səfər edib

Azərbaycan Bank Tədris Mərkəzinin təşkilatçılığı, Azərbaycan Banklar Assosiasiyasının və Rusiya Banklar Assosiasiyasının dəstəyi ilə 28-31 may 2024-cü il tarixlərində ABA-nın kredit işi üzrə Ekjspert Qrupunun Moskva səfərinə təcrübə mübadiləsi məqsədi ilə səfəri baş tutmuşdur.

Səfər çərçivəsində iştirakçılar aşağıdakı mövzularla tanış olmuşlardır:

Biznes kreditləşməsi istiqamətində:
1) Kredit qərarlarının qəbulunu dəstəkləyən analitik sistemlər;
2) Kreditin rəsmiləşdirilməsi və verilməsi prosesində rəqəmsallaşma,
müştərilərin rəqəmsal qeydiyyat prosesi;
3) KOS-lar üçün mikrokreditlər və digər kreditlər üzrə yeni məhsullar;
4) Mikrokreditlərin və KOS-ların kreditləşdirilməsi prosesinin təhlili,
anderraytinqə və kreditləşmə mexanizminə yanaşma;
5) Kənd təsərrüfatı kreditləri;
6) Kreditin verilməsi prosesi və mexanizmi;
7) Kredit risklərinin və ümumilikdə risklərin idarə edilməsinə korporativ
yanaşma;
8) Güzəştli maliyyələşdirmə mexanizmləri, dövlət zəmanəti və
subsidiyalaşdırma şərtləri;
9) KOS kreditləşməsində “time to cash”in azaldılması yolları.

Pərakəndə bankçılıq istiqamətində:
1) İstehlak kreditlərindəki yeni trendlər və bu tip kredit məhsullarının
inkişaf perspektivləri;
2) İstehlak kreditlərinin verilməsində “agile” yanaşma;
3) Yeni kredit məhsullarının formalaşdırılmasında müasir yanaşma;
4) Kredit məhsullarının formalaşdırılmasında iştirak edən komanda
bacarıqlarının artırılması yolları;
5) Müştəri xidmətlərinin inkişafında “agile” təcrübə;
6) Kreditlərin rəsmiləşdirilməsi prosesinin inkişafı yolları, yeni
texnologiyalar və metodlar;
7) Satış kanallarının inkişafı yolları və onların effektivliyin
qiymətləndirilməsi yolları;
8) Bank məhsullarının marketinqi və yeni müştərilərin cəlb edilməsində
rəqəmsal yanaşma;
9) Satış komandasının bilik və bacarıqlarının artırılması yolları – “agile”
yanaşma;
10) Maliyyə texnologiyaları ekosistemi – yeni bazar oyunçuları ilə birgə
fəaliyyət imkanları;
11) Texnologiyanın satışa inteqrasiyası – CRM və mobil tətbiqlər;
12) Müştəri davranışının təhlili, istehlak kreditlərində tətbiq edilən təhlil
metodlarının optimallaşdırılması;
13) Kredit xəttlərinin idarəedilməsi;
14) “Marketplace” və “BNPL” (Buy Now, Pay Later) kreditləşməsi şərtləri,
risk yanaşması və tətbiq edilən modellər.

40 nəfərlik iştirakçı qrupu ilə təşkil edilmiş səfər çərçivəsində aşağıdakı bankların nümayəndələri ilə görüşlər təşkil edilmişdir.

1. Sberbank
2. Tinkoff
3. Alfa Bank
4. VTB Bank

“Sberbank”la görüş zamanı isə bankın idarə heyətinin sədri Gref German nümayəndə heyətini qəbul etmiş və suallarını cavablandırmışdır.

Qeyd edək ki, Azərbaycan Bank Tədris Mərkəzi (ABTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABTC tərəfindən 250-a yaxın təlim mövzusu üzrə, 36 mindən çox dinləyiciyə 2500-ə yaxın təlim kursu təşkil edilmişdir.