ABA-nın “Komplayens üzrə Ekspert Qrupu”nun Qazaxıstan səfəri başa çatmışdır

Azərbaycan Bank Tədris Mərkəzinin (ABTC) təşkilatçılığı, Azərbaycan Banklar Assosiasiyasının (ABA) və Qazaxıstan Banklar Assosiasiyasının dəstəyi ilə 13-14 iyun 2024-cü il tarixlərində ABA-nın “Komplayens üzrə Ekspert Qrupu”nun üzvlərinin, o cümlədən bankların bu istiqamətdəki rəhbər şəxslərinin Qazaxıstan Respublikasının Almatı şəhərinə səfəri baş tutmuşdur.

 

Səfər çərçivəsində iştirakçılar Qazaxıstanın aparıcı banklarının aşağıdakı mövzular üzrə təcrübəsi ilə tanış olmuşlar:

1) KYC (misal üçün həmin ölkənin MUT tələbləri) Qaydaları;

2) Daxili risk qiymətləndirilməsi standartları;

3) AML və Komplayens istiqamətində aparılan işlərin effektivliyinin yüksəldilməsi məqsədilə istifadə olunan yeni məhsul, proqram təminatları və süni intellektin bu istiqamətdə istifadə imkanları;

4) Həmin ölkənin Korporativ İdarəetmə Standartları;

5) Aidiyyəti şəxslər ilə əməliyyatların Qazaxıstan da aparılması qaydası;

6) 1-ci müdafiə xəttinin iş prosesinin yoxlanılması üçün Komplayens tərəfindən qurulmuş monitorinqlər;

7) Şübhəli ssenarilərin formalaşması və əməliyyatların araşdırılması prosesi;

8) Sanksiyaya qarşı mübarizə tədbirləri, bununla bağlı ölkə səviyyəsində aparılan islahatlar və qabaqlayıcı tədbirlər;

 9) “Transaction Monitoring”in aparılması qaydaları, proseslər və “sanction screening”

 

10 nəfərlik iştirakçı qrupu ilə təşkil edilmiş səfər çərçivəsində aşağıdakı qurumların nümayəndələri ilə görüşlər baş tutmuşdur:

1. “Bank Center Credit”;
2. “Bank Freedom Finance”;
3. “Halyk Bank”;
4. “Otbasy Bank”;
5. “Bereke Bank”

 

Qeyd edək ki, Azərbaycan Bank Tədris Mərkəzi (ABTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABTC tərəfindən 250-ə yaxın mövzu üzrə, 36 mindən çox dinləyiciyə 2500-ə yaxın təlim kursu təşkil edilmişdir.