ABA-nın “İnsan Resurslarının İdarə Edilməsi Ekspert Qrupu”nun Türkiyə səfəri başa çatmışdır

Azərbaycan Bank Tədris Mərkəzinin təşkilatçılığı, Azərbaycan Banklar Assosiasiyasının və Türkiye Banklar Birliyinin dəstəyi ilə 12-15 sentyabr 2023-cü il tarixlərində ABA-nın “İnsan Resurslarının İdarə Edilməsi Ekspert Qrupu”nun  üzvlərinin, o cümlədən bankların bu istiqamətdəki digər rəhbər şəxslərinin İstanbula səfəri baş tutmuşdur.

 

Səfər çərçivəsində iştirakçılar Türkiyə banklarının işçi ehtiyaclarının müəyyən edilməsi, qiymətləndirmə, motivasiya sistemi, növləri, prinsipləri, seçim proseduru, tətbiqi, işə qəbul prosesi, uyğunlaşma, təlim və inkişaf, Rescilling və Retention programları, İT komandalarının effektivliyinin ölçülməsi, təkmilləşdirilməsi və saxlanılması, HR rəqəmsallaşdırılması, filialların idarə edilməsi, Data HRM, performansın idarə edilməsi və KPI sistemləri üzrə təcrübəsi ilə tanış olmuşlardır.

 

20 nəfərlik geniş iştirakçı qrupu ilə təşkil edilmiş səfər çərçivəsində aşağıdakı qurumların nümayəndələri ilə görüşlər təşkil edilmişdir:

1. Yapı Kredi Bankası;
2. Aktif Bank;
3. AkBank;
4. Kuveyt Bank;
5. Deniz Bank;
6. Halk Bankası;
7. QNB Finansbank;
8. Ziraat Bankası

 

Sonda da iştirakçılara Agile idarəetmədə ABTC-nin partynoru olan Projera şirkəti tərəfindən Hr mövzusunda təlim keçirilmişdir. Təlimçi Dinçer Özturan olmuşdur.

 

Qeyd edək ki,  Azərbaycan Bank Tədris Mərkəzi (ABTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABTC tərəfindən 250-a yaxın təlim mövzusu üzrə, 36 mindən çox dinləyiciyə 2500-ə yaxın təlim kursu təşkil edilmişdir.