ABA-nın “ESİ və Dayanıqlı bankçılıq üzrə üzrə Ekspert Qrupu”nun Macarıstan səfəri başa çatmışdır

Azərbaycan Bank və Maliyyə Tədris Mərkəzinin təşkilatçılığı, Azərbaycan Banklar Assosiasiyasının dəstəyi ilə 11-12 fevral 2025-ci il ABA-nın “ESİ və Dayanıqlı bankçılıq üzrə üzrə Ekspert Qrupu”nun  üzvlərinin, o cümlədən bankların bu istiqamətdəki digər rəhbər şəxslərinin Macarıstan səfəri baş tutmuşdur.

Səfər çərçivəsində iştirakçılar aşağıdakı mövzularla tanış olmuşlardır.

• Dayaqnıqlı maliyyələşdirmənin artırılması yolları və maliyyə səfərbərliyi kanalları;
• Korporativ səviyyədə dayanıqlı kreditləşmə və layihə maliyyələşməsi;
• Davamlı kreditləşməni təşviq etmək üçün metodlar;
• ESG çərçivəsində maliyyə məhsulları və xidmətləri üzrə gələcək perspektivlər;
• Yaşıl fondlar və təşkilatlarla əməkdaşlıq və tərəfdaşlıq;
• Yaşıl istiqrazların tətbiqi;
• ESG və davamlılıq üzrə requlyativ tənzimləmələr və onların idarə edilməsi;
• Macarıstanda və Avropada yaşıl taksonomiya və tətbiqi;
• Banklarda dayanıqlılıq/ESG yanaşmasının inkişaf yolları;
• Banklarda dayanıqlı idarəetmə strukturu;
• Banklarda davanıqlı əməliyyatlarının təkmilləşdirilməsi, o cümlədən:
  • Rəqəmsallaşma vasitəsilə dayanıqlılıq təşəbbüsləri;
  • ESG prinsiplərinin və risk idarəetməsinin inteqrasiyası;
  • Banklarda karbon izinin azaldılması üzrə tədbirlər;
• ESG və dayanıqlı inkişaf yolunda bankların qarşılaşdığı çətinliklər.

 

12 nəfərlik iştirakçı qrupu ilə təşkil edilmiş səfər çərçivəsində aşağıdakı qurumların nümayəndələri ilə görüşlər təşkil edilmişdir:

1. OTP Bank Plc;
2. MBH Bank & MBH Mortgage Bank Plc;
3. Raiffeisen Bank Ltd;
4. Erste Bank Hungary Plc.

 

Qeyd edək ki,  Azərbaycan Bank və Maliyyə Tədris Mərkəzi (ABFTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABFTC tərəfindən 250-a yaxın təlim mövzusu üzrə, 38 mindən çox dinləyiciyə 2600-ə yaxın təlim kursu təşkil edilmişdir.