ABA-nın “Daxili Audit Ekspert Qrupu”nun Budapeşt-Vyana səfəri başa çatmışdır

Azərbaycan Bank və Maliyyə Tədris Mərkəzinin təşkilatçılığı, Azərbaycan Banklar Assosiasiyasının dəstəyi ilə 21-23 may 2025-ci il tarixində ABA-nın “Daxili Audit Ekspert Qrupu”nun üzvlərinin, o cümlədən bankların bu istiqamətdəki rəhbər şəxsləri üçün Budapeşt-Vyana şəhərlərinə səfər təşkil edilmişdir. Görüşlər zamanı nümayəndə heyəti OTP Bank, Unicredit, Vakif Bank International AG kimi aparıcı maliyyə qurumlarının təcrübələri ilə yaxından tanış olmuş, qarşılıqlı fikir mübadiləsi və faydalı müzakirələr aparılmışdır.

 

Səfər çərçivəsində iştirakçılar aşağıdakı mövzularla tanış olmuşlardır.

• İT auditinin əhatə dairəsi;
• İT audit bacarıqları;
• İT audit funksiyasının daxili və xarici qiymətləndirilməsi;
• Rəqəmsal transformasiya və məlumatlılıq;
• Daxili auditdə süni intellekt və avtomatlaşdırmadan istifadə;
• Strateji planlaşdırma;
• İllik audit planı;
• İllik təlim planı;
• Bacarıq çərçivəsi
• Karyera yolu və rotasiya planı;
• Daxili auditin esg hesabatında, saxtakarlığın aşkar edilməsində və qarşısının alınmasında rolu;
• Vizyon və missiya;
• Məsuliyyətlər;
• Özünü qiymətləndirmə;
• Hesabat;
• Ünsiyyət.

 

Qeyd edək ki,  Azərbaycan Bank və Maliyyə Tədris Mərkəzi (ABFTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABFTC tərəfindən 250-a yaxın təlim mövzusu üzrə, 38 mindən çox dinləyiciyə 2600-ə yaxın təlim kursu təşkil edilmişdir.