Azərbaycan Bank Tədris Mərkəzinin təşkilatçılığı, Azərbaycan Banklar Assosiasiyasının və Türkiye Banklar Birliyinin dəstəyi ilə 5-7 iyun 2024-cü il tarixlərində ABA-nın “Maliyyə xidmətləri istehlakçılarının hüquqlarının müdafiəsi Ekspert Qrupu”nun, o cümlədən bankların bu istiqamətdəki digər rəhbər şəxslərinin İstanbula səfəri baş tutmuşdur.
Səfər çərçivəsində iştirakçılar “Müştəri şikayətlərinin idarə edilməsi, operativ cavablandırma üsulları və baştan sona prosesin təsviri”, “Müştəri şikayətlərə baxan bölmənin gördüyü işlər”, “Tez-tez meydana gələn müştəri şikayətləri və bu şikayətlərin proaktiv həll edilməsi yolları”, “İstehlakçıların hüquqlarının müdafiəsi, müştəri müraciətlərin hüquqi təmzimlənməsi və müraciətlərin cavablandırılması zamanı məxfilik amilləri”, “ “Agile” yanaşmada müştəri məmnuniyyəti” , “Müştəri məmuniyyəti üzrə daxili nəzarət, eyni zamanda keyfiyyətə nəzarət və audit yoxlamalarının təşkili”, “Müştəri şikayətlərinin nüfuz riskinə təsiri”, “Müştəri müraciətlərin araşdırılması prosesində rəqəmsallaşma (CRM sistemləri, chatbotlar, onlayn feedback platformaları və analitik alətlər), vahid reyestr və süni intelektin tətbiqi”, mövzuları ilə tanış olmuşlardır.
22 nəfərlik geniş iştirakçı qrupu ilə təşkil edilmiş səfər çərçivəsində aşağıdakı qurumların nümayəndələri ilə görüşlər təşkil edilmişdir:
- Halk Bankası;
- İş Bankası;
- Kuveyt Türk Bankası;
- DenizBank;
- Bankacılık Düzenleme ve Denetleme Kurumu
Qeyd edək ki, Azərbaycan Bank Tədris Mərkəzi (ABTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABTC tərəfindən 250-a yaxın təlim mövzusu üzrə, 36 mindən çox dinləyiciyə 2500-ə yaxın təlim kursu təşkil edilmişdir.